Makita sa video nga gin-upload sa Facebook ang pag-exhibition sang isa ka motorcycle rider sa highway nga sakop sang Dumaguete City.
Yara sa likod ang kamot sang natungdan nga rider, imbes nga dapat sa manibela, samtang naga-andar ang motor.
Wala man sang suksok nga helmet ang rider kag wala ini sang panapton sa ibabaw sang iya lawas.
Gintultol sang Land Transportation Office-Negros Island Region ang balay sang rider kag gin-serbe ang show cause order nga nagamando sa iya nga maghatag sang paathag sa ginhimo sini kag magpakita sa LTO Dumaguete District Office.
Ang reckless driving isa ka paglapas sang Republic Act 4136 ukon ang Land Transportation and Traffic Code.
Gin-alegar nga isa ka menor de edad ang rider kag iya lang ginhulam ang motor.
[sibwp_form id=1]