Nakabunggo sa karabaw ang motorsiklo sang rider sa atubang sang Toyota Motors sa dalan Araneta, Barangay Tangub sa Bacolod City, pasado las 12 sang kaagahon sadtong Lunes.
Patay ang 27-anyos nga driver sang Suzuki Raider nga motor nga si alyas “Noli”, sang Barangay Pahanocoy sa Bacolod City.
Nag-gwa sa imbestigasyon sang Traffic Enforcement Unit nga padulong sur ang motor sang makabunggo sa nagtabok nga karabaw sa dalan.
Nakaangkon sang madamo nga pilas sa lawas ang driver, nga suno sa PNP wala nakasuksok sang helmet.
Nagpalagyo ang karabaw sa wala mahibaluan nga direksyon.
Sa karon, ginahibalo pa kun sin-o ang tag-iya sang amo nga karabaw.*