Dead on arrival sa Hinigaran Medical Clinic ang rider matapos makabunggo ang iya motor sa likod sang ginasundan nga truck sa national highway nga sakop sang Sitio Cadulunan, Barangay Cambaog sa Hinigaran, Martes sang kaagahon, Marso 24.
Nakaangkon sang head injuries ang rider nga si alyas “Steve”, 31-anyos, residente sang Brgy. Miranda sa Pontevedra.
Nagwa sa imbestigasyon nga naglabog sa dalan ang biktima bangud sang impact.
Pareho nga padulong norte nga direksyon pakadto sa Pontevedra ang motor kag ang dump truck.
Ginamaneho ang truck ni alyas “Arman”, 45-anyos, taga Brgy. 20 sa Victorias City.
[sibwp_form id=1]