Mga rice farmers sakop sang Bago River Irrigation System ang naga pangaman kag naga plano naman sang tikang nga ipatuman sa gina paabot epekto sang El Niño phenomenon.
Suno kay Pedro Limpangog ang presidente sang Federation of Irrigator’s Association-Bago River Irrigation System ang mga lugar nga indi na malambot sang irigasyon ila na nga gina abisuhan nga ipaiway na lang anay ang pag pananum.
Nag amat-amat naman install sila sang solar pumps pero diutay pa man lang. Ipatuman nila ang scheduling sa irigasyon. Ila na ini napatuman sadtong pang nagliligad nga tion nga nag igo man ang El Niño kag tigayon nila nga nalampuwasan ang pag panghangkat nga dala sini.
Sa report sang Department of Agriculture may masobra sa 11,000 hectares sang humayan ang susceptible sa drought tuga sang El Niño sa bilog nga Negros Island Region.
May 13,000 hectares sang humayan ang naga salig sa NIA-BRIS suno kay Limpangog. Diri nagikan ang majority sang production sang bugas sa probinsya.
Sa gin patuman nga scheduling gani sa irigasyon na maximize man nila sadto ang ila nga production nga nag dangat pa sa tig 7 tons per hectare.
Padayon ang ani sa karon
“Ang amon dira sa subong nga gin-train ya ang aton Federation of Irrigators Association sang water delivery and distribution. Sa dira pa lang ya nga pamaagi na agyan na sang federation sang nagligad nga El Niño mga panghangkat, pagtilaw nga kulang sang tubi pero amo na lampuwasan tungod sang water delivery and distribution”.
[sibwp_form id=1]