Shadow

Returning residents gina abisuhan nga i-check ang flight schedule para indi mag expire ang RT-PCR test result

Bacolod DRRM photo

Mga returning residents sa Bacolod ang ginapanugyan nga siguruhon anay ang schedule sang ila flights agud nga indi mag expire ang ila negative RT-PCR result nga isa sa mga travel requirements.

Ginpahayag ni Bacolod Councilor Cindy Rojas nga madamo sang mga returning residents ang nagadangup sa ila talatapan matapos nga last minute gina cancel sang airlines ang ila naka book na nga flight.

Gani kun sayluhon ang ila flight schedule sa madason nga adlaw maga expire na ang ila negative RT-PCR test result nga dapat within 72 hours lang ginkuha antes sang ila flight.

Suno kay Rojas, kada adlaw isa lang ka airlines ang may yara sang flight humalin Bacolod pakadto Manila kag pabalik.

Lunes, Biyernes kag Domingo ang Philippine Airlines, Martes kag Huwebes ang Cebu Pacific kag Miyerkules kag Sabado ang Air Asia.

Ini nga schedule ang dapat nga basehan sang mga returning residents sa ila pag book sang ila nga flight pakadto Bacolod kag Manila.

Leave a Reply

Your email address will not be published. Required fields are marked *

Secured By miniOrangeSecured By miniOrange