Mga fragment sang slug ang natigayon recover sang National Bureau of Investigation matapos nga gin autopsy ang bangkay ni Provincial Consultant Marton Cui.
Suno kay Atty Renoir Baldovino, sang Lunes ginpatigayon ang autopsy sa bangkay ni Cui matapos nga magsugot ang pamilya sini.
Ipadala nila para sa ballistic examination ang na recover nga fragment para mapat od ang kalibre sang armas nga gin gamit.
Isa karon sa mga pagpanghangkat nga gina atubang sa kaso amo ang kakulang sang saksi rason nga sa forensics ukon ang physical evidence nga sarang matipon amo ang gina tutukan. May yara naman gid sang anggulo nga gina lantaw pero indi na ini luyag pa nga ipalayag sang NBI.
Kagabi gin mando ni Presidente Rodrigo Duterte ang pag pangusisa sa kamatayon sang provincial consultant.
Suno kay Baldovino Abril 13 sang nakabaton siya sang mando gikan sa regional office nga mag patigayon sang parallel investigation. Abril 14 nag deploy na sila sang team. Abril 12 gintiro sa Cui sa San Carlos City sang ini ang manugsakay sa salakyan gikan sa iya nga opisina.
May ginporman man nga task force ang PNP para sa kaso.