Patay ang 64 anyos nga si Irvi Ramos matapos tiruhon sang makapila ka beses sang wala pa makilala nga persona kagab-i sa kilid lang sang highway sa Barangay Haguimit sa siudad sang La Carlota.
Sa imbestigasyon sang PNP, si Ramos nga isa ka retired teacher ang naga panglakaton lang sa dalan upod ang iya himata kag mapauli na kun tani gikan sa tiangge sang gin banggaan siya sang suspek kag gintiro sang lima ka beses. Patay na siya sang mag abot sa ospital.
Tatlo ka basiyo sang 45 caliber pistol kag isa ka deformed bullet ang nakuha sa crime scene.
Suno sa pulis, ila pa ginahibalo sa karon kun ano ang motibo sa pagpatay sa anay manunudlo apang may ginatan-aw naman sila karon nga persons of interest.