Shadow

Retired police colonel nadakpan sa entrapment operation sa Hinigaran

Gin aresto kahapon sang Hinigaran PNP ang retirado nga si police colonel Demosthenes Fernandez matapos makuhaan sang mga armas sa buybust operation kahapon sa Hinigaran.

Si Fernandez ang suno sa PNP, isa ka anay intelligence officer kag na assign man sa CIDG.

Suno kay Police Major Jake Barila, natigayon ang buybust matapos siya ang mismo nga gin contact ni Fernandez nga nag pakilala pa suno sa iya nga isa ka police general kag naga tanyag sang iya ginabaligya nga armas. Ang 9mm pistol ang iya nga ibaligya kun tani kay barila pero sang gin pangayuan sang naga kaigu nga papeles, wala sang may napakita suno kay barila ang retirado nga pulis gani ila na ini gin aresto.

Magluwas sa buybust item, na recover man suno kay Barila sa salakyan ni Fernandez ang pila pa ka mga armas kag high powered firearms.

Kaso nga paglapas sa RA 10591 ang ipasaka sang PNP batuk kay Fernandez.

Leave a Reply

Your email address will not be published. Required fields are marked *

Secured By miniOrangeSecured By miniOrange