Shadow

1 patay, 1 nadakpan, 3 ginapangita sa 5 ka mga pugante sa NODJ

YouTube player

Sa katubuhan sang Hacienda Velez sa Barangay Blumentritt banwa sang Murcia nakalab ot sang naga ayam nga katapo sang murcia pnp kag Bureau of Jail Management and Penology ang lima ka mga person deprived of liberty nga nalagyo sa Negros Occidental District Jail sa siudad sang Bago kahapon.

Suno kay Atty. Jairus Dojelio spokesperson sang BJMP 6, nagluntad ang pagbayluhanay sang luthang sa tunga sang mga operatiba kag mga pugante resulta nga natiruhan kag napatay si Marvin Celeste.

Nadakpan naman ang iya kaupod nga si Daniel Tamon.

Suno kay Captain Gerald Muya, hepe sang Murcia PNP, nanugid sa ila ang mga mangunguma sa kampo nga gin agawan sila sang pagkaon kag pagkabutang sang mga pugante mga las sais kaina sang kaagahon.

Suno sa mga tanod nga nag-upod sa mga otoridad sa manhunt operation, armado ang mga pugante.
Nagapati ang PNP kag BJMP nga yara pa sa mga katubuhan naga hukmong ang tatlo sa lima ka mga nalagyo nga bilanggu.

Ginkilala ang mga nagpalagyo nga sanday Francisco Epogon sang Cauayan nga may kaso nga robbery with violation against intimidation of person kag robbery with homicide.

Siya ang ginasiling katapo sang Epogon robbery group.

Nakapalagyo man si Danilo Celeste nga utod sang napatay nga taga Victorias City nga may kaso nga carnapping, robbery, illegal posession of firearms kag attempted homicide.

Taga Victorias man si Alejandro Montoya nga may kaso nga carnapping, robbery, illegal possession of firearms, attempted homicide kag acts of lasciviousness.

Nagpalupad man sang drone ang katapo sang 1st Provincial Mobile Force Company para makabulig sa ila pagpangita.

Sa karon padayon man ang panawagan sang mga otoridad sa pumuluyo nga magbulig agud madakpan ang mga pugante.

Nagtanyag naman sang tag dies mil pesos nga reward money para madakpan ang mga pugante.

Secured By miniOrangeSecured By miniOrange