Beach resort project sa Barangay Pahanocoy ang ginreklamo.
Ini matapos gin-alegar gin tampukan ang bahin sang bulwangan sang Sum-ag River.
Nagpadala sang reklamo sa tiglikum sang Department of Environment and Natural Resources nga si Roy Cimatu, si Punong Barangay Rodney Carmona sang Brgy. Sum-ag.
Ang beach project ni Engr Andre Tacolod ang iya gina alegar naglambot na sa bahin sang bulwangan
Sang Sum-ag River.
Suno kay Carmona lipod sa ila nga ihibalo ang natabo kag ini ang ginpadangat sa ila nga atensyon.
Ginabaha na nga daan ang Sum-ag suno sa iya, kag ang amo nga pagtampok sa bahin sang suba ang ila nga ginalantaw maga palala pa gid sang sitwasyon. Dugang pa niya, may mga bakhaw nga ginpang utod para sa amo nga proyekto nga para sa iya wala ginatugutan.
Wala labot diri, suno kay Carmona ma apektuhan man ang breeding sang mga isda. Ginakabig man nila nga navigational hazard ang proyekto para sa mga naga pangisda.
Ginkadtuan sang Digicast Negros si Tacolod para makuhaan sang iya nga bahin pero wala siya sa duha
niya ka mga opisina. Wala man siya maka pakig angut sa text ukon sa tawag.