Sa sini nga kalye sa San Enrique aga pa yara na sa gwa sang ila nga mga balay ang mga pumuluyo.
Isa si Kagawad Emilio Tangub sa ila. Suno sa iya, bugal sang san enrique ang maga labay amo kun ngaa nag hulat sila sa iya nga pag abot.
Duga dugay may mabatian na nga uwang sang patrol car sang pulis. Patimaan na nga lapit na lang ang ila nga gina hulat.
Yara na ang motorcade, sakay sa isa sa mga pick up si Ensign Janrey Artus.
Siya ang top notcher kag summa cum laude sang Philippine Military Academy Masaligan Class of 2021.
Naka palakpak si Kagawad Emilio Paglabay ni Janrey.
Nag libot ang motorcade sa mga dalanon sang banwa. Isa ka programa ang gin patigayon sa gwa sang munisipyo.
Sa programa gin turn over kay Janrey ang cash incentive nga gina hatag sang banwa kun may mga naga graduate bilang suma cum laude.
Gin pasidunggan siya sa iya nahatag nga dungog sa banwa.
Pagka tapos sang programa, instant celebrity si Artus.
Nagbinulos bulos pa picture sa iya ang mga empleyado sang banwa.
Suno ky Mayor Jilson Tubillara, si Artus naha una nga taga San Enrique nga naka tapos bilang rank 1 sa PMA may mga estudyante man sila nga nag suma cum laude pero sa military, si Janrey ang nahauna.
Si Janrey, malipayon sa iya nga pag abot. Wala siya mag ekspektar sa mainit nga pag abe abi sa iya.
Navy ang iya nga ginpili sudlan bangud ang iya amay, isa ka retired army kag may utod man siya nga army.
Gani wala malikawan ang napamangkot sa iya kun handa bala siya nga ideploy sa West Philippine Sea.
Proud ang iya amay nga si Florencio nga masobra duha ka dekada nga nangin soldado kag naglawig sa iya nga assignment sa Marawi City.
Nakibot na lang siya kuno sang makita niya sa Facebook nga top notcher ang iya bata.
Para sa mga residente nga aga pa nag hulat kay Janrey, maga serbe siya nga inspirasyon sa tanan ilabi na sa mga kabataan nga maghimakas kag mag pangabudlay para maka hatag sang dungog indi lang sa pamilya kundi pati sa banwa kag probinsya.