Masobra na sa 200 ka mga tawag ang nabaton sang BCD 6100 hotline sang Bacolod City humalin nga ginlunsar ini sang Setyembre 7.
Ginsiling ni Jovelyn Canoy, coordinator sang Public Employment and Services Department nga indi magnubo sa 10 ka tawag ang ila nagakabaton kada adlaw.
Kalabanan sa mga concerns amo ang problema sa basura kag mga proseso sang social pensions.
Suno sa iya, apisar sini, 92 percent sang mga tawag ang tigayon nga nasolusyonan paagi sa hotline.
Sa karun, yara palang sa ikatatlo nga semana nga nangin operational ang amo nga hotline kag tuyo sang PESO nga mapadangat sa 95 percent ang resolution rate.
Dugang ni Canoy, may pulo na ka agents ang hotline nga handa magsabat sa mga concerns sang mga callers.
Ang 034-479-6100 nga BCD Hotline ang isa ka centralized nga numero nga sarang matawagan sang mga Bacolodnon agud mapadangat kag solusyonan ang ila mga concerns sa siudad kaangay sang traffic, solid waste management, social pensions, kag iban pa.
Ini ang separado man sa localized 911 sang siudad nga sarang matawagan sa tion sang emerhensya.
[sibwp_form id=1]