Wala gintugutan sang Department of Agriculture ang hinyo sang mga gamefowl association sa Negros Occidental nga tigaylo sang Elisa test, rapid antigen test (RAT) na lamang ang patigayunon sa mga shipment sang inugbulang nga manok pa gwa sa probinsya.
Sa sulat nga gin padala sa talatapan ni Provincial Veterinarian Dr Renante Decena, ginpaathag ni Dr Arlene Vytiaco sang Animal Health and Welfare Division nga indi nila masugtan ang hinyo sang mga gamefowl association nga pag gamit sang RAT para sa Avian Influenza screening para sa iga ship nga mga inugbulang nga manok, bangud manubo ang sensitivity sang amo nga test kag laban nga maka kuha false negative.
Avian Influenza free man ang Visayas suno kay Vytiaco indi pwede nga mag kumpiansa.
Suno kay Decena sa karon gina buligan sang probinsya ang mga stakeholders sa gamefowl industry bahin sa pag facilitate sang laboratory requirements sa shipment sang inugbulang nga manok pending sang pag bakal sang probinsya sang Elisa machine.
Sa pagsulundan 10 percent sa mga iga ship nga inugbulang nga manok gikan sa probinsya ang dapat napaidalom sa Elisa ukon RT PCR test.