Masobra 7,000 sa siudad sang Kabankalan ang nagbaton sang tig cinco mil pesos gikan sa National Housing Authority.
Ginsugdan na sang probinsya sa pagpamuno ni Governor Eugenio Jose Lacson, sa siudad sang Kabankalan ang pag panagtag sang relief assistance gikan sa 91 milyones pesos nga NHA fund para sa mga na igo ni Bagyo Odette sang bulan sang Disyembre.
7,234 ang nag baton sang cash assistance sa Kabankalan City. Suno kay Lacson mga 36 milyones pesos sa kabilugan ang na-release sa Kabankalan.
Damlag pa nanag tag na ang Negros Occidental sang bulig sa mga apektado sang Odette gikan sa pondo sini kag suno kay Lacson bangud sang kakulang man sang pondo wala nahatagan ang mga apektado sa Kabankalan sang roofing materials rason nga sila ang gin una sa NHA funds.
Masunod nga maga baton sang cash assistance ang mga benepisyaryo sa Cadiz City, Victorias City kag Pontevedra, amo man sa banwa sang Ilog.