Mga igabulos nga BTAO kag POSO personnel sa mga nagpositibo sa drug test nga job order workers mahimo sa highlights pa sang MassKara Festival makasugod obra.
Ginapangitaan na sang pondo sang siudad ang pag-hire sang dugang nga mga job order workers nga italana sa Bacolod Traffic Authority Office kag Public Order and Safety Office.
Suno kay City Administrator Pacifico Maghari, III, ginatinguhaan nila nga may makabulos sa mga yadtong nagpositibo sa drug test nga personnel sang BTAO kag POSO agud madugangan ang pwersa sang mga traffic enforcers sa nagahilapit nga MassKara Festival.
Ginpasiguro man ni Maghari nga negatibo sa drug test ang magabulos sa 53 tanan ka BTAO kag POSO personnel nga drug positive.
Mahimo naman nga ibalik sa regular nga 8-working hours ang nabuhinan nga oras sa trabaho sang mga street cleaners kag iban pa nga JOs sa tion sang MassKara Festival sa Oktubre.