House Speaker Martin Romualdez nagkumpirma nga iya na nga nasugilanon si Negros Oriental 3rd District Representative Arnie Teves.
Sa isa ka statement nga gin release sa Facebook page ni House Speaker Martin Romualdez iya sini nga gin siling nga gintawgan siya ni Rep. Arnie Teves Lunes sang gab-i.
Ginpabutyag sa iya ang pagkabalaka sang kongresista sa iya sini nga kabuhi kag sang iya nga pamilya.
Bilang Speaker of the House ginpasalig niya si Teves nga himuon niya ang tanan para matagaan ini sang seguridad.
Iya man gin manduan ang House Sergeant-at-arms nga nga mag coordinate sa sa mga law enforcement agencies sang gobyerno kag ihanda ang security arrangements sa iya nga pagpauli sa Pilipinas.
Iya liwat ginpanugyan kay Teves nga magpauli na sa Pilipinas kay wala na ini sang authority nga magbiyahe sa gwa sang pungsod kag gusto man mabatian sang kongreso ang iya nga bahin.
Kag kun may kaso siya nga dapat atubangon. Iya ini dapat nga atubangon diri sa Pilipinas kag indi sa gwa sang pungsod.
Si Teves ang damlag pa nagsiling nga yara siya sa Estados Unidos para sa iya nga stem cell therapy.
Subong gina siling nga yara siya sa Asya pero wala gintumod kun diin nga pungsod.
Siya ang gintudlo sang gunmen nga mastermind sa pagpatay kay Negros Oriental Governor Roel Degamo.