Paglagda para sa Implementing Rules and Regulation para sa Negros Island Region ang gina paabot antes magtakop ang bulan sang Agosto kag ini ang patigayunon sa isla sang Siquijor.
Suno kay fifth district Congressman Dino Yulo, nga katapo sang Technical Working Group ang final draft ang iga padala sa mga gobernador, nga Congressional Representatives kag katapo sang mga national agencies para sa ila final comment.
Kag kun wala na sang igaligwat pa ang amo nga draft amo na ang pirmahan sa Siquijor. Yara karon ang NIR sa transition period pa.
Ang personnel complement lakip na ang budget ang maga gikan sa existing budget nga na submit sa idalom sang National Expenditure Program.
Samtang, ang mga regional offices ang ipahamtang sa mga lugar nga naparteneser sa ila sandig sa naka saad sa laye.
Kun gina duso man nga ang mga regional offices ipahamtang sa isa lugar ukon regional center suno kay Yulo kinahanglan ang pag amend sa laye.
“There is no such plan (for one regional center). Ang naka sulat dira sa RA 12000 nga may ara clusters nga will be in the oriental and there are clusters on the Occidental side. Para kun sa isa ka regional center, not unless example ang tanan nga Negros cluster will be in one area that’s possible. But the idea of one regional center, you have to amend the law”, suno kay Yulo.