Shadow

Reelectionists kag challengers nag file man sang COC

Dolly Yasa photo

Mga maga pa re-elect kag mga challenger sa mayoralty race sa mga banwa kag siudad sa Negros Occidental ang amat-amat naman nag file sang ila nga mga certificates of candidacy.

Sang weekend pila sa mga nagfile sang ila nga COC amo sanday Vice Mayor Renato Malabor Jr sang United Negros Alliance para sa pagka alkalde sa banwa sang Isabela kaupod ang three termer nga konsehal nga si Raffy Uy nga magapapili bilang bise alkalde. Ginapaabot ang pag bungguanay ni malabor kag mayor Irene Montilla.

Nag file man sang COC para sa pag ka alkalde sang banwa sang Candoni si Vice Mayor Loriemae Joy Gargar.

Sa Talisay City nagfile sang iya nga COC para sa pagka alkalde si Archie Gasias.

Sa Bago City naman, ang re-electionist nga kanday Mayor Nicholas Yulo kag Vce Mayor Ramon Torres upod ang ila kumpleto nga slate ang nag file man sang ila nga COC.

Kag sa La Carlota, nag-file sang iya nga COC si Mayor Rex Jalandoon upod ang mga maga papili bilang katapo sang Sangguniang Panlungsod.

Samtang, sa provincial level naman, kaina sang aga nag file ang negosyante nga si Anthony Dennis Occeno sang iya nga COC bilang katapo sang Sangguniang Panlalawigan bilang independent candidate.

Siya ang taga Himamaylan kag luyag niya nga tutukan ang programa sa edukasyon, palangabuhian kag ikaayon lawas. Ikaapat na ini nga pagpapili ni Occeno.

Leave a Reply

Your email address will not be published. Required fields are marked *

Secured By miniOrangeSecured By miniOrange