Roadshow sa mga red zone areas ipatuman sang BFP sa pagdumdom sang Fire Prevention Month.
Sa Marso 1 natalana ang motorcade nga pangunahan sang Bureau of fire Protection-Bacolod sa pagdumdom sang Fire Prevention Month.
Ginsiling ni Fire Superintendent Jenny Mae Masip, kabahin sa prayoridad sang tuigan nga kampanya ang mga red zone areas sa Bacolod kun diin magahiwat sang Fire Square Road Show.
May 283 ang na-identify nga mga red zone area sa siudad ukon mga lugar nga halos naga-ilikit-ikit ang mga balay nga himo sa light materials kag indi mahapos respondehan sa tion nga magluntad ang posible sunog.
Ang Barangay Banago ang mangin pilot area sang BFP upod sa Bacolod LGU para sa ginadihon nga programa para mabuhinan ang ginakabig fire zone areas.
Upod sa katapo sang private sector may natalana nga tree-planting activity ang BFP pati na mga road show sa mall kag eskwelahan nga nalakip sa tikang agud mapabaskog pa ang kampanya kontra sunog.