Ginaduso sang Regional Disaster Risk Reduction Management Office 6 ang pagdeklara sang 4-km permanent danger zone sa bulkan Kanlaon bilang Strict Protection Zone.
Suno kay RDRRMC Chair kasubong man Office of the Civil Defense 6, Head, Raul Fernandez, ini ang ila nga gintalakay sa ila nga pagsinapol sadtong Oktubre 22.
Sila ang nag pa gwa sang resolution nga naga recommend sa Protected Area Management Board ukon PAMB sa pag deklara bilang Strict Protection Zone sang 4-km permanent danger zone.
Tuyo sini nga ma limit ang human activities sa area kasubong sang pag puyo ukon pag panguma.
Paathag ni Fernandez ini ang mangin legal nila nga basehan sa pag pangayo sang bulig sa national government agudto ma-relocate kag mahatagan sang ila nga mga puluy-an ang apektado nga mga pumuluyo.
Sa datus sang PAMB suno kay Fernandez may mga 50 tubtob 60 pa ka mga households ang yara sa 4-km permanent danger zone.
Suno kay Fernandez gina siling naman sang La Castellana LGU nga may 15 na lang ka pamilya ang yara sa area – napulo ang sa Barangay Masulog kag lima sa Biak na Bato.
Indi sarang ma relocate ang mga apektado tubtob nga may permanent relocation site nga makita para sa ila.
“Forward looking ito para matulungan natin ang affected families na ma relocate, at mabigyan natin ng ayuda o assistance para ma ano naman yung yung relocation nila”, suno kay Fernandez.