Pag buldoze sang bahin sang higad sang baybay nga sakop sang protected area sa Cauayan ang ginpa-untat.
Sandig sa incident report sang barangay Caliling, nagpatigayon sang pag pangusisa ang Bantay Dagat Foot Patrol aga sang Oktubre 21 sa pag verify sang report sang concerned citizen nga may yara sang pag pang buldoze sang mga bato sa tangkolan sang Purok 6, sa Sitio bil-at, sa Barangay Caliling.
Sa interview sang katapo sang media sa kay Punong Barangay Josel Popioco wala man naka agi sa ila nga barangay ukon nakahatag sila sang permit para sa amo nga hilikuton.
Bangud nga wala sang permiso kag pending investigation gin mando na suno kay Mayor John Rey Tabujara ang pag pauntat sang amo nga hilikuton mismo sang Oktubre 21.
“Nagtake action na to ang ENRO. Ang Environmental Office namon diri sa local. Gin pa stop to sila”, suno kay Tabujara.
Ginsiling ni Forester Lucia Salazar ang Supervising Environment Specialist sang DENR-CENRO Kabankalan ila na gin patuhoy sa Environment Management Board sa pag pat-od kun may Environmental Compliance Certificate ang amo nga hilikuton.
Sa ila nga impormasyon himuon nga jet ski area ang lugar.
Suno kay Salazar luyag nila nga mapat-od ini bangud ang lugar isa ka nesting site sang mga pawikan.
Sa ila nga record may lima na ka insidente sang pag pangitlog sang pawikan sa lugar kasubong man pag release sang pawikan diri.
Wala labot sini, madamo pa gid sang iban nga mga marine resources nga mabutang sa peligro kun matandog ang area. May mga sea grass man sa lugar suno sa iya.
(That’s a protected area?) yes ma’am. Accordingly himuon kuno nila nga parang jet ski area pero that is impossible kay that is old stone nga may mga coral cays. Malapit lang din yan sa Hulaw-Hulaw. Damo gid maguba. May mga sea grass pa na. Mga pagkaon na sang pawikan or sea turtle”, suno kay kay Salazar.