Kapin sa P400,000 nga balor sang drug testing kits ang gina-proseso na nga mabakal sang Bacolod Anti-Drug Abuse Council nga amo ang gamiton sa natalana nga random drug testing sa mga government employees antes matapos ang tuig.
Ginpahayag ni Public Order and Safety Office Head Retired General Primitivo Tabujara nga naga-coordinate na sila sa Department of Health kag sa City Health Office para sa pagpa-rehistro sang mga pagagamiton nga test kits.
Ang random drug testing ang nakasaad sa executive order ni Bacolod City Mayor Albee Benitez para mapasiguro ang drug-free workplace sa Bacolod LGU.
Samtang, nagapadayon man karon ang ginapatuman nga drug rehabilitation program sa idalom sang BADAC agud madugangan ang mga barangay nga makabig drug-cleared sa siudad.
Sa 61 ka mga barangay, 21 pa lang ang nadeklara nga drug-cleared barangay sa Bacolod.