Protocol angut sa pagpatuman sang total pork ban sang probinsya ang gindihon. Nalakip diri ang pagpatuman sang random checkpoints.
Suno kay Dr Placeda Lemana ang provincial veterinarian ang gindihon nga protocol ang naga hulat sang approval ni Governor Eugenio Jose Lacson. Ini ang maga serbe nga guidelines kun paano ipatuman ang Executive Order sang probinsya nga naga patuman sang total ban sang baboy kag karne sang baboy gikan sa mga lugar nga may kaso sang African Swine Fever.
Nagapabilin ang checkpoints sa mga border, pero tutukan man ang mga wet markets, supermarkets kag bisan pa slaughterhouse para mapasiguro nga wala sang may makalusot gikan sa mga ginakabig red zones.
Suno kay Lemana, may pila na ka mga hog raisers sa banwa sang Valladolid kag San Enrique ang nag sugod repopulate.
Tuyo sang probinsya nga lubos maka recover kag maka balik bilang isa sa mga top producers sang backyard hogs sa pungsod. Nagapanawagan man si Lemana nga indi mag bakal sa mga online sellers sang baboy kun indi sigurado sa source sini bangud mahimo nga ini ang maga dala sang kahalitan sa industriya.