Shadow

Punong barangay Villarosa naghingyo sang bulig sang siudad, City Legal Office maga review sa iya nga kaso

Barbara Mijares photo

Pagalantawon sang City legal office ang kaso angut sa dismissal order batuk kay Barangay Tangub Punong Barangay Noli Villarosa nga naghinyo na sang bulig.

Wala pa nabaton ni Punong Barangay Noli Villarosa ang dismissal order nga ginpapanaug sang Office of the Ombudsman for the Visayas batuk sa iya kag kay Kagawad Raymundo Pendon nga ginpapanaugan naman sang 3 months suspension sa kaso nga simple misconduct.

Indi may kaangtanan sa ginpasaka nga reklamu sang retired teacher nga si Jun Medalla sang ginpatuman sadto sang barangay ang pag-guba sang pader sang ila compound sa Ramylu Drive sa Barangay Tangub sang Agosto 2019.

Si Villarosa ang naghinyo na sang bulig sa siudad pinaagi sa City Legal Office. Pangaduha na ka beses nga napamatbatan nga guilty sa kaso nga simple misconduct sa Villarosa.

Gani nalakip sa ginmandu ni acting Ombudsman for the Visayas Jane Aguilar amo ang perpetual disqualification from holding public office batuk sa punong barangay.

Gin refer man ni City Legal Officer Atty. Romeo Carlos Ting, jr. Si Villarosa sa iya nakuha nga private lawyer agud nga mapaiway ang conflict of interest.

Secured By miniOrangeSecured By miniOrange