Wala pa sang pat od nga anggulo ang PNP angut sa pagtiro sa provincial consultant nga si Marton Cui, pero pulitika ang isa sa mga ginalantaw sang PNP.
Nag bisita si Col Romy Palgue ang pamuno sang Negros Occidental PNP kag subong man ang pamuno sang special investigation task force kay Governor Eugenio Jose Lacson para sa dalagan sang kaso.
Gina pat od sa gihapon ang kalibre sang armas nga gin gamit. Duha ka slug ang isa gikan sa lawas ni Cui kag ang isa gikan sa salakyan ang na recover. May igo man sang salakyan. Planado ang pag tiro suno sa PNP kag nagapati naman si Lacson nga isa ka expert ang nagpatuman sini.
Pero indi pa makasiling ang PNP kun sniper gid man ang nangamot. Wala man sang pagpamahug nga nabaton si Cui. Wala man sya sang security detail suno sa PNP. Kun may ihibalo sa kaso nahagaylo ang pnp nga ini ang ipadangat sa ila. Naga abiso man si Palgue nga kun may makit an nga makaduluda nga salakyan ukon persona dapat mangin alerto kasubong sa van nga nakit an malapit sa kun diin gintiro si Cui nga las 4 pa lang sang hapon yadto na naka park.
Gin mando naman ni Palgue ang pag impound sang mga salakyan nga wala sang plaka kag conduction sticker sa mga hepe sang kapulisan.