Shadow

Pribado nga mga indibidwal ginakasubo ang natabo nga pag utod sang mga puno sa Old Airport

Pila ka mga pribado nga indibidual, tiglawas sang nagkalain-lain mga sektor kag environmentalist group nagtipon Mismo sa lugar kun sa diin gin pang utod ang mga gulang nga kahoy sakop sang dalan Araneta sa Bacolod City.

Suno kay Fr. Chris Gonzales, Social Action Center Director sang Bacolod Diocese sila naga unong sa kasubo sa pag pang utod sang sini nga mga kahoy.

Para naman kay Rhoderick Samonte nga isa ka manunudlo wala labot sa kasubo, ila man gina pabutyag ang kainit kag kaakig sa wala rason nga pag pang utod sang mga kahoy.

Sila ang nagapati nga dapat magapanabat ang mga yara sa poder nga nagtugot sang pag pang utod sang mga kahoy.

Sa karon suno sa ila wala na sang may naga pangisog nga mag ako sang amo nga responsibilidad.

Ang bulan sang Abril Earth Month kag ang masubo sa tunga sang sitwasyon sang palibot subong kag ang mga pagpanghangkat nga gina atubang sang dunang manggad, sini man nga tion natabo ang pag patay sa mga kakahuyan.

Yara na sa kostodiya sang Community Environment and Natural Resources Offices sa Bago City ang mga ginpang utod nga mga puno sang kahoy.

Leave a Reply

Your email address will not be published. Required fields are marked *

Secured By miniOrangeSecured By miniOrange