Shadow

Pulis pilason sang mag serbe sang warrant of arrest, mga pusil, granada kag shabu na recover

Pulis pilason matapos matiruhan sang mag serbe sang warrant of arrest kaina sanga aga. Walo ang naaresto, anum diri sa ila mga menor de edad.

Ginabulong karon sa ospital ang isa ka pulis matapos matiruhan sang mag serbe sang warrant of arrest kaina sang aga sa Barangay 3 Poblacion sa La carlota City ang BCPO intelligence unit upod ang La Carlota PNP batuk sa kay Archelito Dumip-ig sa kaso nga attempted homicide.

Suno sa imbestigasdor nga si Senior master Sergeant Aaron Dumip-ig, ginpalukpan ang isa ka pulis samtang naga serbe sang warrant kag nag balos ini pero wala man sang may naigu sa bahin sang mga suspek.

Indi pa matumod suno kay selda kun sin-o ang nag palupok sang pusil.

Naka palagyo suno sa pulis ang serbahan sang warrant nga si Dumip-ig upod sang iya iban pa nga upod sa balay.

Naaresto sang kapulisan ang walo ka persona, anum diri sa ila mga menor de edad nga yara man sa sulod sang balay sang suspek. May na recover man ang pnp sa sulod sang balay nga mga armas kag shabu.

May nakuha ang mga pulis nga M1 Garan rifle, 38 caliber revolver, apat ka rifle grenades, isa ka hand grenade, kag duha ka sachet sang suspected shabu.

Padayon ang manhunt operation karon sang PNP batuk sa suspek kag ila man ginahibalo ang koneksyon sang mga naaresto sa subject sang warrant.

Leave a Reply

Your email address will not be published. Required fields are marked *

Secured By miniOrangeSecured By miniOrange