Ginhingadlan na ni Secretary of Interior and Local Government Juanito Victor Remulla ang police major nga ginatudlo bilang protektor sang online sabong sa Talisay City.
Ginkilala ang pulis nga si Police Major Edgar Tonico, Jr. pamuno sang Crime Investigation and Detection Group- Bacolod City Field Unit.
Ginsiling ni Remulla sa isa ka press conference kaina nga ila na ginpaidalum ang amo nga pulis sa preventive custody samtang nagapadayon pa ang imbestigasyon.
Sandig sa imbestigasyon sang DILG, ang natukiban nga factory sang peke nga mga sigarilyo sa Barangay Calumanggan, Bago City ang konektado man sa iligal nga E-sabong sa Barangay Concepcion sa Talisay City.
Suno kay Remulla, isa lamang ka sindikato ang naga operate sang amo nga mga iligal nga aktibidad.
Kapin sa 280 ka mga manok ang na kumpiska sang CIDG sa iligal nga cockfighting arena sa siudad sang Talisay. Ini man ang ginatudlo nga responsable sa sunod-sunod nga pagpangawat sang fighting cocks sa rehiyon.
30 ka persona, lakip na ang isa ka menor de edad ang nadakpan sang kapulisan nga imbulbado sa amo nga aktibidad.
Ginpadalman pa sa karun sang DILG ang amo nga kaso samtang ginatan-aw man nila ang posibilidad nga si Atong Ang, ang yara sa likod sa iligal nga online sabong.
Natukiban man nga kapin sa 5 million pesos ang sarang nga ma-income sa kada adlaw sang E-sabong suno kay Remulla.*
[sibwp_form id=1]