Provincial Disaster Risk Reduction Management Office sang Negros Occidental naga abiso sa publiko nga labing maghalong. Kay man 43 degrees celsius ang projected heat index tubtob sa Miyerkules.
Suno kay Irene Bel Ploteña ang PDRRMO head, mag pangaman sa epekto sang mapaang nga panahon sa ikaayong lawas.
Mas maayo nga likawan ang pag gwa sa initan labi na humalin las 10 sang aga tubtob las 4 sang hapon.
Mag hydrate ukon mag-inom sang madamo nga tubig. Ipaiway ang pag gwa sang mga puluy-an kun indi man lamang labing importante ang mga hilikuton.
May pila ka mga eskwelahan nga gin pakamaayo nga mag shift online.
Dala sang El Niño Alert nga damlag pa gin issue sang PAGASA ang probinsya ang naga pakig-angut na sa mga mangunguma para mahandaan ang dry spell.
Sa karon, sa pila ka bahin sang Negros Occidental may mga pagtupa pa sang ulan. Sa Bacolod City sini nga hapon, may pila man ka lugar nag naulanan.
“Gina-remind ta gid ang aton constituents nga as much as possible stay indoors, because ang aton heat index nga gina batyag subong is 43 degrees celsius and it will last for tomorrow until the next day”, suno kay Ploteña.*
[sibwp_form id=1]