Gintagaan sang Medalya ng Sugatang Magiting si Police Executive Master Sergeant Niño Noynay sang Police Regional Office-Negros Island Region.
Siya ang pulis nga may malubha nga pilas sa mata matapos nga ginbuno sang suspek sa pagpangbuno nga iya kuntani nga arestuhon.
Ginpangunahan ni PBGen Arnold Thomas Ibay, Regional Director sang PRO-NIR kaupod si Negros Oriental Police Provincial Office Director PCol. Ronan Claravall, ang paghatag pasidungog sa PNP Wounded in Police Operation sa Silliman University Medical Center.
Suno kay Ibay, sa pihak sang delikado nga sitwasyon, ginhimo sa gihapon sang pulis ang iya nga nagakadapat nga himuon bilang alagad sang kasuguan kag naga kaangay lamang nga sundon man sang iban nga pulis ang iya ginhimo.
Sang nagligad nga semana sang nag responde ang pulis sa isa ka kaso man sang pagbuno sa Santa Catalina, Negros Oriental matapos nga ang suspek ang nagmauy kag nag pangbuno kay wala ginbaligyaan sang ilimnon sang tiangge.
Nagresponde si Noynay kag iya arestuhon kuntani angs suspek sa iya sini nga balay apang nagbato ini kag ginbuno sa mata ang pulis.