Shadow

Pulis kag bjmp personnel patay sang gintiro sang kontra sang ila kaingod

Patay ang isa ka pulis kag isa ka personnel sang BJMP sa Bayawan City, Negros Oriental matapos sila nga gintiro Sabado sang gab-i, sang motorcycle riding suspects.

Ang napatay amo sanday Patrolman Rhulin Mar Abrasaldo nga na assign sa Police Regional Office 6 kag ang jail personnel nga si Edwin Laag. Pilason naman sa pagpaniro ang 56 anyos nga si Winchita Jamin.

Sandig sa report sang PNP, ang pulis kag ang bjmp personnel ang naga pamista lang sa balay ni Jamin nga ila sini kaingod.

Nag abot ang duha ka persona nga sakay sa motor kag una gin tiro si Jamin.

Sanday Abrasaldo kag Laag ang ma responde kuntani kag ma tiro man sa mga suspek apang sila ang naunahan kag gintiro sang makapila ka beses sang mga suspek.

Dead on arrival sa ospital ang duha. Padayon naman karon nga gina bulong si Jamin.

Padayon ang imbestigasyon sang PNP sa karon sa kun sin-o ang may kahimuan sang krimen kag kun ano ang ila sini motibo sa pag luthang kay Jamin.

Secured By miniOrangeSecured By miniOrange