Shadow

Lalaki patay sang gintiro sang mga lalaki nga iya gina pangimonan

Patay ang 37 anyos nga si Harold John Suarez sang ini gintiro sang Biyernes sa Charito Heights Subdivision sa Barangay Granada sang apat ka mga persona nga iya ginapangimonan.

Sa imbestigasyon sang PNP, naga inom lang sa tyangge si Suarez sang nag dulog ang salakyan kag siya ang ginpalapitan sang apat ka mga suspek kag gin tiro sang tatlo ka beses nga gin tunaan sang iya kamatayon.

Ang mga suspek amo sanday Mark, Rodzel kag Mart Espoli, kag si Arnold Jaurege.

Ang gin arkilahan nga Toyota Highlander nga ila gin gamit sang natabo ang pag paniro ang narecover man kahapon nga ila gin bilin sa isa ka hotel sa dalan San Sebastian.

Padayon ang pursuit operation sang PNP sa mga suspek.

Suno sa hepe sang Police Station 5 nga si Captain Francis Depasucat, naga home service massage ang live-in partner sang bitkima gani iya sini gina pangimonan ang apat ka mga suspetsado.

Amo sini ang ila gina lantaw karon motibo sa pag paniro.

Secured By miniOrangeSecured By miniOrange