Governor Eugenio Jose Lacson ang naga panugyan sa mga Negrosanon nga mangin vigilant ukon mabinantayon sa tunga sang pagsaka sang kaso sang dengue karon kag typhoid fever.
Indi man tuman ka damo ang kaso sang typhoid fever suno sa iya pero kun ipaanggid sa kasubong nga tion sang nagligad nga tuig nagsaka ini sa 100 percent.
80 ang reported typhoid fever cases as of January 18, 2025.
Suno sa gobernador ang typhoid fever kaangay sang dengue cases ang sarang nga malikawan paagi sa matinlo nga palibot.
Gani naga pahanumdom siya sa publiko nga mag andam kag mag patuman sang mga tikang para malikawan ini.
Duha ang gin-report sang Provincial Health Office nga typhoid related deaths kag duha man ang suspected dengue deaths.