Isa ka public hearing para sa Negros Bulk Water Supply Imbang Watershed-Hinalinan River Project sa Silay City ang natalana sa Lunes, Abril 27.
Ini ang pangunahan sang Deparment of Environment and Natural Resources – Environmental Management Bureau – Negros Island Region nga patigayunon las 10 sang aga sa covered court sang Brgy Guimbalaon.
Tuyo sang hearing nga mabatian ang bahin sang tagsa lakip na ang mga proponent sang proyekto, mismo ang EMB-DENR, mga natungdan nga ahensya, tagsa ka LGU kag iban pa gid nga mga stakeholder may kaangtanan sa environmental impact sang gina duso nga proyekto nga sa karon naga apply sang Environmental Compliance Certificate.
Suno kay Governor Eugenio Jose Lacson padayon pa ang pag duso sang gobyerno probinsyal sa proyekto nga may 20 million liters per day nga capacity, apesar sang damlag pa pag pamalibad sang Silay City Council sa pag issue sang Resolution of No Objection para diri.
Suno kay Lacson gintinguhaan man sang probinsya nga sabton ang mga pamangkot angot sa envionmental impact sadto, karon maayo na man lang gid nga ang mga experts na ang maga sabat sa ihaboy nga mga pamangkot.
Ang proyekto ang gina kabig sang Lacson Administration nga isa ka flagship project labi na nga ini ang naga tuyo magsabat sa kakulang sang matinlo kag potable nga tubig sang mga Negrense.*
[sibwp_form id=1]