Sa isa ka statement nga gin-post sang House Deputy Speaker nga si Bacolod City Lone District Representative Alfredo Abelardo Benitez, ginapanawagan sini ang pamunuan sang BACIWA-PrimeWater nga sigurohon nga indi magdangat sa water crisis ang ka kulangan karun sang suplay sang tubig sa siudad.
Suno sa post ni Benitez, apektado tanan nga Bacolodnon sa kakulang sang suplay sang tubig, ilabi na nga mainit na ang panahon sa karun.
Nagapangabay man ang kongresista sa pumuluyo nga mag-tipid anay sa paggamit sang tubig samtang ginakulang pa sang suplay ang siudad.
Nagpasiguro man ang kongresista nga iya mismo opisina ang magaubra sang tikang agud masolusyonan ang amo nga problema sa tubig.
Una na nga ginsiling ni Mayor Greg Gasataya nga ang sang una nga 100 million liters per day nga suplay sang BACIWA-PrimeWater ang yara nalang sa karun sa 87 million liters per day.
Ini bangud sa mga pipe leakages kag mga damage nga nakit-an sa reservoir.
Ginahulat nalang sang siudad nga magsumite sang assessment report ang BACIWA-PrimeWater agud matumod ang pinaka-apektado nga mga barangay kay mahatagan man ini sang rasyon sang DRRMO.*
[sibwp_form id=1]