Gintambungan sang masobra sa 150 ka mga himata sang mga minatay nga nalubong sa Burgos Cemetery sa Bacolod ang isa ka public hearing nga ginpatigayon sang siudad may kaangtanan sa pagsaylo sang pantyon nga naguba na sa bone vault sa Barangay Handumanan.
Ginsiling ni Atty. Marty Go, Secretary to the Mayor nga may 454 ka mga pantyon nga yara sa naguba na nga pader sang Burgos Cemetery ang plano sang siudad nga isaylo sa Handumanan.
May mga pamilya man nga nagkadto sa public hearing nga nagpabutyag sang oposisyon bangud abi nila tanan nga mga minatay sa Burgos ang kakason.
Apang ginklaro sang siudad nga ang porsyon lamang sang patyo sa dalan Lopez Jaena nga naguba na ang plano nga ipakay-o sang siudad, rason nga kinahanglan anay masaylo ang mga yara sa pantyon sa amo nga pader.
Natalana pa nga mag patigayon sang ika-duha nga public hearing ang siudad para sa mga himata nga wala pa maklarohan sang sitwasyon.
Target sang siudad nga masugodan na ang pagsaylo sang mga patay sa masunod nga bulan agud masugudan naman ang pag-rehabilitate sang porsyon sang patyo.
[sibwp_form id=1]