Sa public hearing ginpatpat ni Councilor Jason Villarosa, pamuno sang Committee on Tourism, Information and Communication Technology sang konseho kun ngaa ginakinahanglan ma-regulate ang pag-gamit sang drone sa siudad ilabi na nga indi man mapaiway ang posible pagluntad sang disgrasya.
Pila sa mga content creators nga nagtambong ang nakahangup sa amo nga tinutuyo bangud may mga local government unit nga pareho nga nagapatuman sang regulasyon angut sa pagpalupad sang drone.
Na-istoryahan sa pagsinapol ang pagtalana sang P1,000 nga balayran para sa 3-year registration.
Upod sa public hearing ang pamuno sang Bacolod City Police Office nga nagapakita nga ginakinahanglan ang regulasyon para mas mapabaskog ang seguridad.