Paathag ni Office of the Civil Defense NIR Director, Donato Sermeno, III, gin-desisyonan ang pag-suspend sang amo nga window nga para kuntani sa mga mangunguma, kasunod sang May 27 nga bulletin sang DOST PHIVOLCS sa Bulkan Kanlaon.
Namutikan nila ang pagsaka sa recorded volcanic earthquakes kag pagnubo sang sulfur dioxide.
Nakasaad nga may yara sang 31 ka mga volcanic earthquakes nga na-record kag 1,020 tonnes/day nga sufur dioxide.
Suno kay Sermeno, sa ila eksperiensya may nagakatabo nga pagbuga ukon pag lupok sa bulkan sa amo nga mga sitwasyon, gani mas maayo na lang nga mangin safe.
Effective bwas, Mayo 28 ang suspension sa entry sa extended kilometer danger zone until further notice.
Suno kay Sermeno maga depende ang desisyon nila sa monitoring report nga ipagwa sang PHIVOLCS sa bulkan.
“Based sa aton experience daw ga hana siya bala mag lupok, mag erupt, para lang sang safety sang tanan”, suno kay Sermeno.
Paathag naman ni PHIVOLCS Director, Teresito Bacolcol ang mga parameters nga na-record sang bulkan Kanlaon, yara sa sulod sang range sang Alert Level 3.
Ang desisyon sa pag gwa sulod sa 6km extended danger zone yara na sa LGU, recommendatory man lamang ang PHIVOLCS. Ila gina-recommend nga wala gid gani dapat sang tawo nga tugutan sa area.
Samtang nagapaandam man siya sa posibilidad sang lahar flow kun mag sige-sige ang mabunok nga ulan labi na nga may mga deposits na ukon debris dala sang maka pila ka beses nga pag lupok sang bulkan.
“For the past 24 hrs , we have recorded 31 volcanic earthquakes which is higher than what we’ve measured between May 25 to 26. Pero, this would still fall under the parameters na ini-expect natin at Alert Level 3”, suno kay Bacolcol.