Wala sang may ginreport nga mortality ukon pag kapatay sa mga kasapatan sa karon tuga sang init dala sang El Nino Phenomenon. Pero Provincial Vet ang naka mutik sang paghugos sa mga sapat.
Suno kay Provincial Veterinarian, Dr Placeda Lemana, ini bangud nga apektado sa karon ang mga halalbon sang kasapatan tungod sang tig-ilinit. Paathag ni Lemana, kay tungod nga mga sapat, kag pwede nga masaylo-saylo pwede sila mapangapinan sa tuman nga kainit.
Liwat ang Provincial Vet nagapahanumdom sang maayo nga balayan para sa mga gina sagod nga sapat, dapat ini ang mapasilungan kag may nagakaigo nga ilimnon nga tubig.
Dapat man nga gina hatagan sang bitamina kag nagakaigo nga bakuna para malampuwasan ang epekto sa El Nino Phenomenon.
“Ang nakita ko dira ang body condition sang animals medyo nag bahar-bahar, kay once wala na halabon, magniwang gid na sila. Sa Veterinary side, kay ang sapat pwede masaylo-saylo ukon matagaan bala sang tubig sang farmers, indi siya stationary nga indi mo madala sa isa ka lugar nga malandungan siya”, suno kay Lemana.