Sa 46 ka mga sunog ng nagluntad sa Bacolod naga panguna ang residential fire nga may 20.
Nagasunod diri ang grass fire nga may anum, lunsay tig lima ang rubbish kag vehicular fire kag may tatlo ka mga commercial fire na nga nagluntad sa siudad sa humalin Enero tubtob Pebrero 13.
Ang halit sang sini nga mga sunog nagdangat sa P8.9M . Sa 46 ka mga sunog nga nagluntad, 28 diri gina kabig sang Bureau of Fire Protection bilang minimal damage nga fire incidents.
Sa record sang BFP may 119 tanan ka mga red zones sa Bacolod ukon mga lugar ng delikado katama kun may magluntad nga sunog kay wala sang alagyan ang mga bombero kag naga inikit ikit ang mga balay.