Provincial Legal Officer Alberto Nellas, Jr., sa karon ang acting provincial administrator matapos nga boluntaryo nga gin-sugdan ni Atty Rayfrando Diaz ang iya sini nga anum ka bulan nga suspension.
Suno kay Governor Eugenio Jose Lacson, sumugod subong nga adlaw, si Nellas ang magaserbe nga acting provincial administrator tubtob nga mahuman ang anum ka bulan nga suspension order ni Provincial Administrator Rayfrando Diaz.
Sa sulat ni Diaz kag Ni Atty Chery Sheil Valenzuela sa gobernador, sila ang naghinyo sang permiso sini nga sugdan na nila serbe ang ila suspension.
Ini sa pagkilala suno sa ila sang authority sang office of the Ombudsman kag wala naman sang prejudice sa resolution sa motion for reconsideration nila sa amo nga talatapan.
Nagapati si Lacson nga mangin tayuyon ang tanan sa gihapon sa pag pungko ni Nellas bangud na plastar naman ang bilog nga sistema.
Sanday Diaz kag Valenzuela ang gin-suspend sang Ombudsman bangud sang conflict of interest matapos sila ang nagserbe nga legal counsel sang isa sa mga respondent sa expropriation case nga gin-file sang banwa sang Binalbagan.
Nagalaum sila nga sa ila nga pagfile sang motion mapamatian man sila kag mahatagan sang merito ang ila nga kaso.