Na submit na sang Provincial Legal Office sa gobernador ang recommendation sini angut sa 13 ka mga driver sang PDMPD nga gin papanaugan sang show cause order.
Suno kay Provincial Legal Officer, Alberto Nellas, Jr., may nakit-an gid man sila nga pagsupak angut sa proseso may kaangtanan sa gina require nga trip ticket.
Pero yara na sa kay Negros Occidental Governor Eugenio Jose Lacson ang desisyon angut sa recommendation nga ila na submit sa iya nga talatapan.
Padayon pa ang pag pangusisa sa lima ka iban nga nga empleyado sang Provincial Disaster Management Program Division nga ginpapanaugan man sang show cause order suno kay Nellas. Ang reklamo batuk sa ila may angut naman sa ila nga behavior sa trabaho.
Samtang, nagtapos na ang 60-day preventive suspension sang lima ka mga katapo sang Office of the Provincial Agriculturist matapos nga ginpasakaan sang reklamo nga grave misconduct angut sa gina -alegar misuse sang government vehicle. Padayon pa ang hearing sa ila nga kaso.