Ginahulat pa sang probinsya ang supply sang bivalent vaccine kag maka sugod sila bakuna para sa A2 category ukon sa mga senior citizen.
Suno kay Dr Girlie Pinongan ang OIC Provincial Health Officer, gin-announce man sang Department of Health nga sarang na makasugod bakuna sang bivalent vaccine sa mga senior citizen maka sugod lamang ang probinsya kun yara na ang supply.
Sa karon ang nag abot nga supply para pa lamang sa mga health workers.
Ang health workers pa pa lamang sa Teresita Lopez Jalandoni Provincial Hospital sa Silay City ang nabakunahan.
Gin abisuhan na ang sa iban nga mga ospital sang probinsya nga mag sugod naman patuman sang pagbakuna sang bivalent vaccines suno kay Pinongan.
Gina paabot nga matapos sa ila, dason nga bakunahan ang mga yara sa health offices sang kada banwa kag siudad kasubong man sa Provincial Health Office.
Kun may sobra, suno kay Pinongan pwede man nga mahatag ini sa mga senior citizen.
Masobra sa 2000 ka dose sang bivalent vaccines ang damlag pa nag abot.
Samtang, suno kay Pinongan, nag pa gwa man sang bag-o nga guidelines ang DOH nga sarang na madapatan sang bivalent vaccine ang yadtong wala nahatagan sang booster shots.