Indi lamang price monitoring angut sa price freeze ang patigayunon kundi maga bantay man batuk sa hoarding.
Ini suno kay Provincial Administrator Rayfrando Diaz nga nagsiling man nga kasunod sang pag paidalom sang bilog nga probinsya sa State of Calamity tuga sang paglupok sang bulkan Kanlaon, maga convene ang Price Monitoring Council.
Ini sila ang maga tutok sa presyo sang mga basic kag prime commodities nga napaidalom sa price freeze bangud sang state of calamity.
Katapo na diri ang Department of Trade and Industry.
Pero para mapangapinan ang mga konsumedor labi na ang sakop sa mga lugar nga apektado sang Kanlaon eruption, maga bantay man suno kay Diaz sa posible hoarding.
Damlag pa nag panawagan na si Governor Eugenio Jose Lacson sa mga negosyante nga buligan ang mga pumuluyo nga apektado sang lupok sang bulkan nga indi na pag pamentahaan ang ila nga sitwasyon paagi sa pag pasaka sang tuman sang bili sang naga panguna nga balaklon.