Shadow

COVID cases sa Negros Island padayon ang pagsaka

Capitol photo

Negros Occidental ang pito na ka adlaw nga may 3 digit nga new cases sang COVID-19.

Nag lab-ot na karon sa 1,849 ang total active cases sa Negros Cccidental matapos madugangan sang 141 naman ka bag-o nga kaso sang COVID-19 kahapon, base sa datos sang DOH Region 6.

Ini ang ika pito na nga adlaw nga may 3 digit nga new COVID-19 cases ang probinsya.

58 man ka kaso ang gin dugang kahapon sa Bacolod City nga karon may 524 ka active cases.

Malapit dos mil 400 na ang active cases sa Bacolod kag Negros Occidental sa karon.

Samtang sa Negros Oriental… May 16 lang ka bag-o nga kaso kahapon kag 19 ka bag-o nga recoveries.

Kabahin sa bag-o nga kaso sa Negros Oriental ang pasahero sang eroplano kun sa diin upod ang isa ka kontrobersyal nga COVID-19 case karon sa probinsya.

Ini abi nga kaso ang nag lab-ot sa programa ni Raffy Tulfo bangud sa iya upod nga nag pauli sa Ayungon sa Negros Oriental ang kabulig ni Tulfo.

Gin panugyan niya nga indi mag byahe ang duha bangud sa nag positibo sa COVID-19 ang lalaki pero sa gihapon sila ang nag sakay sa eroplano kag nag pauli bangud sa wala man sang negative RT PCR nga requirement ang Negros Oriental.

Ginpahayag man ni provincial IATF chair, Dr Liland Estacion, nga gin into sang nasambit nga pasahero ang mga personnel sa airport bangud iya gin pahayag nga wala siya sang sintomas sang COVID-19 bisan pa naga sip-on na ini sa iya nga pag byahe padulong sa probinsya.

Siya ang naka quarantine na karon kag gin hatag na sang IATF sa alkalde sang ayungon kun ano ang mangin penalidad sang lalaki bangud sang iya pag pang into indi lang sa mga taga airport kundi mismo sa komunidad.

Secured By miniOrangeSecured By miniOrange