Shadow

Presyo sang manok nagsaka, presyo sang baboy nagnubo

PVO photo

Presyo sang baboy sa mga merkado ang nagbarato samtang, manok naman ang nagmahal sang masobra sa P2/kilo.

Sa June 20, 2022 monitoring report sang Provincial Veterinary Office P1.86 ang average nga ginbarato sang kada kilo sang baboy. P265.74 ang average nga presyo sang kilo sang baboy sa amo nga report.

Samtang, P2.34 naman ang average nga ginsaka sa kada kilo sang broiler.

P202.66 ang average nga presyo sang kilo sang broiler kag P256.39 naman ang native chicken. Wala sang pag giho sa presyo sang native chicken.

Ang kakulang sang supply sang manok sa Visayas suno kay Dr Renante Decena ang artificial lamang ukon sa malip-ot nga tion.

Sa tunga-tunga na sang bulan sang Hunyo na batyagan ini kag gina paabot nga sa masunod nga bulan sang Hulyo ukon sa third quarter maga balik na sa normal.

Mga 5 percent suno kay Decena, ukon 125,000 heads sa broiler ukon white chicken ang shortage sa probinsya.

Rason nga may mga gareklamo nga iwat ang manok sa merkado suno sa iya.

2.5 million ka manok ang makonsumo sang probinsya ilakip na ang Bacolod sa peak season.

Pero paathag ni Decena naga ka pun-an naman ang kakulang sang supply gikan sa colored chicken ukon mga native nga manok.

Ang pag balik sa normal ang nagtulod sa pagsaka sa demand.

Nag apekto man sa supply sang manok ang pag igo sang bagyo Odette.

Sa monitoring sang Provincial Veterinary Office, ang average nga presyo sa kada kilo sang Carabeef yara sa P294.01, ang karne sang baka yara sa P308.11, kag ang chevon ukon karne sang kanding yara sa P333.10 nga nagbarato sa masobra P3 ang kilo.

Secured By miniOrange