Shadow

Food & water security, education, infrastructure pila sa priority sa 3 year provincial development investment plan

File/capitol photo

Food kag water security, education kag infrastructure pila lamang sa mga priority sa 3 year provincial development investment plan sang Negros Occidental.

Suno kay Provincial Administrator Rayfrando Diaz, antes pa man maga sugod ang ika duha nga termino ni Governor Eugenio Jose Lacson ini ang gina sugdan na nila plano kaupod sa mga department heads para mapat-od ang mga konkreto nga proyekto lakip na ang katumanan sini.

Nalakip man diri ang pag tutok sa peace and order situation.

Suno kay Diaz, ang pagpanghangkat sa food security dala man sang global situation sa karon.

Ang mga tinutuyo sa masunod nga tatlo ka tuig ang iga patpat man sang gobernador sa iya mangin inaugural speech sa Sabado.

Samtang, sa 2023, may pag nubo sa National Tax Allotment nga mabaton sang Negros Occidental suno kay Diaz.

Ini tungod man sang pagnubo sa 14 percent sang 2020 income tuga sang pandemic.

Daku ang mabuhin sa MOOE ukon ang maintenance and other operating expenses gani ipatuman ang mga cost cutting measures.

Ini ang gina handaan na sang probinsya.

Ang pila sa mga training ang ipaiway anay kasubong man ang travel, kag pagkinot sa kuryente kag supply ang ipatuman man suno kay Diaz.

Secured By miniOrangeSecured By miniOrange