Apesar nga wala pa sang may na-report nga kaso sang African Swine Fever sa Bacolod City, may pila na ka mga baligyaan sang baboy ang nag panaog sang presyo.
Ang sang una nga 290 tubtob 300 pesos kada kilo sang baboy ang nagatapak nalang subong sa 240 tubtob 260 pesos sa pila ka mga baligyaan aa Barangay Sum-ag kag Barangay Pahanocoy.
Suno sa ila panaysayon, nagnubo man ang baklanay sang live weight sang baboy rason nga nagnubo man ang bili sang ila produkto.
Samtang may isa naman ka baligyaan sa gwa sang libertad market nga 220 ang kilo sang baboy.
Apesar sini, nagapabilin nga 290 tubtob 300 ang kilo sang baboy sa sulod sang Libertad kag Burgos Market.
Ginsiling ni Bacolod City Administrator Atty. Mark Steven Mayo, nga tubtob sini nga adlaw, wala pa sang kaso sang ASF sa siudad.
Liwat na nga gin patukod sang siudad ang ASF Task Force agud maghanda sa posible nga paglaton sang ASF sa mga baboy sang mga backyard hog raisers sa Bacolod.
[sibwp_form id=1]