Ginalauman sini nga Marso masugdan na ang site preparation para tigayon na maka set-up sang modular shelter tents para sa yadtong sakop sang 4km permanent danger zone sang bulkan Kanlaon.
Tigayon na nga na donate sang Negros Occidental ang 8.6 hectares nga duta sa Brgy Talaptap sa La Castellana nga maga serbe nga relocation site sang mga na-displace bangud sang bulkan Kanlaon kasubong man site para sa Regional Evacuation Center.
Suno kay Donato Sermeno, III, ang regional Director sang Office of the Civil Defense NIR, naga paabot sila nga masugdan na ang preparasyon sa duta para man makapahamtang na ang Department of Human Settlements and Urban Development sang modular shelter tents para sa yadtong gikan sa 4km permanent danger zone kag padayon subong nga naga istar sa evacuation centers.
Ang plano suno kay Sermeno, kun matigayon na ang Kanlaon Recovery Development Plan, maga tukod na sang permanent relocation kag sang Regional Evacuation Center.
“Ang plano for Talaptap una mabutang kita sang modular shelter units nga gina patigayon sang DHSUD and then I-develop ina sang DPWH for permanent relocation and then dira man ibutang ang evacuation centers. Sa subong ang DHSUD gina fast track ang pag install sang modular shelter units kay hopefully by March may mobilization na”, suno kay Sermeno.
Suno kay La Castellana Vice Mayor Rhumyla Nicor, nahatagan na sang authority si Mayor Añejo Nicor bahin sa kun ano ang pag gamit sang duta. Humalin pa sang sugod nakahibalo naman ang tanan nga ang duta sa Talaptap para sa apektado sang bulkan Kanlaon kag indi sa bagyo Tino.*
[sibwp_form id=1]