Nagasugod na ang pag panghanda sang probinsya para sa 29th Panaad sa Negros Festival nga natalana sa Marso 24 tubtob 30.
Sang Martes mga tiglawas sang 32 ka mga banwa kag siudad sa Negros Occidental ang nagtipon para sa pinaka una nga coordination meeting nga ginpangunahan ni Charina Magallanes-Tan nga karon nagaserbe nga Panaad sa Negros Festival executive director.
Ginsiling ni Magallanes-Tan, nga subong nga tuig ang NGO partner sang Panaad sa Negros Festival amo ang Negros Cultural Foundation Inc.
Pagatutukan kag igatib-ong ang Negrense culture kag ang arts. Iya man ginsiling nga paabuton ang mas madamo nga art and cultural activities para mas mapasanyog ang festival experience sang mga maga tambong sa kahiwatan.
Magapadayon sa gihapon ang traditional Panaad Festival activities, pero iga sakdag man ang battle of the bands para ma showcase man kag ma discover ang dugang nga local musical talent.